I juni hadde 8. klassane temadagar i Karnilstunet då dei mellom anna sådde og planta grønsaker. I dei komande to vekene skal klassane attende i tunet og lage mat ute,- og sjølvsagt nytte seg av grønsakene. Vil du ha oppskrifta på Karnilssuppa vår?

Nytt frå Haiti: Rektor Berby Baptiste ved College Adventiste melder i dag at pengane vi har sendt er komne fram og står på konto til bruk for vennskapsskulen vår på Haiti. Han rettar ei varm takk til Gloppen ungdomsskule.

Det skal gjennomførast nasjonale prøver på 5., 8. og 9. steget hausten 2010. Utdanningsdirektoratet har laga ein brosjyre om dei nasjonale prøvene, og denne brosjyren sender vi med 8.- og 9. klassingane heim som ranselpost.

Måndag 16. august er vi klar til å ta imot alle elevane til eit nytt skuleår. Skulen startar til vanleg tid kl 08.30, og det går skuleskyss som vanleg. Vel møtt til gamle og nye elevar!

Lageret av klede og andre ting som elevane har gløymt att på skulen, er no overfylt. Vi ber om at elevar og foreldre tek kontakt med oss innan fredag 25. juni. Etter den tid blir lageret tømt og kleda blir gjevne til ein organisasjon som driv innsamling.

Torsdag 3. juni set vi av til turdag for elevar og tilsette. Løypa blir den same for alle: Valborgkleiva-Leirstyøylen-Eidsstøylen-Engeset-Leirbrekka-Holvik og attende til skulen. Turklede, gode sko, mat og drikke er grunnutrustninga.

Jeger- og fiskarlag i Sogn og Fjordane med eit flott tilbod om leir på Nesholmen 4.-6. juni. Av aktivitetar kan nemnast fiske, leirliv, flugebinding og flugekasting, skyting med rifle, hagle og boge, kanopadling, klatring, bading og mat i friluft.

På fellesmøte med 10. klassesteget har rektor informert om følgjande fordeling av trekkfag til skriftleg eksamen: 10a: norsk 10b: engelsk 10c: matematikk

Hovudsaker i møtet blir oppsummering etter elevundersøkinga/foreldreundersøkinga våren 2010 og oppfølging av stega sine årsmøte i mars.